25 ёшли америкалик ярим ҳимоячи Уэстон Маккенни Туриннинг "Ювентус" клубидаги келажаги ҳақида гапирди.
"Кекса синьора" билан шартномам тугашига ҳали бир йил бор. Ҳозир агентим шартномани узайтириш борасида музокаралар олиб бормоқда. Туринда қоламан деган умиддаман. Мен бу клубдаги ҳамма нарсадан мамнунман", - деди америкалик футболчи.
Жорий мавсумда Маккенни туринликлар сафида 36 та ўйинда қатнашиб, ўнта голли узатмани амалга оширди. Transfermarkt портали экспертлари Уэстоннинг бозор қийматини 25 миллион еврога баҳоламоқда.