Londonning "Arsenal" klubi yozda bir vaqtning o‘zida ikki futbolchisini yo‘qotishi mumkin. Daily Express xabariga ko‘ra, Saudiya Arabistoni klublari yarim himoyachi Tomas Parti va hujumchi Gabriyel Jezusni nishonga olishgan.
Tomas jarohatlar tufayli mavsumning ko‘p qismini o‘tkazib yubordi, garchi Arteta uni jamoasi uchun juda muhim futbolchi deb hisoblasa ham. Jezusga kelsak, avvalroq "kanonirlar" braziliyalikning o‘yinidan norozi ekani xabar qilingandi.
Joriy mavsumda hujumchi Premyer-ligada 4 ta gol urdi va 5 ta golli uzatmani amalga oshirdi. Xabar qilinishicha, Jezus va Parti Saudiya Arabistonida juda katta maosh olishlari mumkin, biroq aniq raqamlar hozircha ma’lum emas.
