Лондоннинг "Арсенал" клуби ёзда бир вақтнинг ўзида икки футболчисини йўқотиши мумкин. Daily Express хабарига кўра, Саудия Арабистони клублари ярим ҳимоячи Томас Парти ва ҳужумчи Габриел Жезусни нишонга олишган.
Томас жароҳатлар туфайли мавсумнинг кўп қисмини ўтказиб юборди, гарчи Артета уни жамоаси учун жуда муҳим футболчи деб ҳисобласа ҳам. Жезусга келсак, аввалроқ "канонирлар" бразилияликнинг ўйинидан норози экани хабар қилинганди.
Жорий мавсумда ҳужумчи Премьер-лигада 4 та гол урди ва 5 та голли узатмани амалга оширди. Хабар қилинишича, Жезус ва Парти Саудия Арабистонида жуда катта маош олишлари мумкин, бироқ аниқ рақамлар ҳозирча маълум эмас.
