Erik ten Xag Brunu Fernandeshning kelajagi haqidagi savolga javob berdi.

“Bilaman, u bu yerda ekanligidan juda xursand. Mas’uliyatni o‘z zimmasiga olishga tayyorlik, bu eng yaxshi futbolchilar ko‘rsatishi kerak bo‘lgan eng muhim fazilatlardan biridir. Brunu har doim tayyor, u birorta o‘yinni o‘tkazib yubormaydi, u doimo yaxshi saviyada o‘ynaydi va jamoaga kuch beradi. Bunday aktivlar muvaffaqiyat uchun zarurdir.

Brunu – haqiqiy jangchi. Misol uchun, o‘tgan yili Angliya kubogi yarim finalida "Brayton" bilan o‘ynaganimizda, u shunchalik shishgan to‘pig‘i bilan o‘ynaganki, bunga ishonishning iloji yo‘q edi. U boshqa o‘yinchilar uchun ajoyib o‘rnakdir", - deydi "Manchester Yunayted" bosh murabbiyi.

Mankunianliklar sardorining amaldagi shartnomasi 2026 yilgacha mo‘ljallangan.

Joriy mavsumda Fernandesh Premer-ligada 33 ta o‘yinda maydonga tushib, 10 ta gol urdi va 7 ta golli uzatmani amalga oshirdi.