Radu Dregushinaning agenti himoyachining "Tottenxem"dagi holati haqida gapirdi.
22 yoshli futbolchi qishki transfer oynasida London klubiga 21,5 million funt sterling evaziga kelib qo‘shildi, biroq asosiy tarkibdan joy olmadi. Mikki van de Ven va Kristian Romero raqobatida mag‘lub bo‘ldi. O‘shandan beri u Premyer-liganing ikkita o‘yinida maydonga tushdi.
"U sabrli bo‘lishi kerak, uning pozisiyasida allaqachon ikkita muhim o‘yinchi bor, u oxir-oqibat o‘z o‘rnini topadi.
Murabbiy ko‘p marta himoyada uchlik sifatida o‘ynashni istamasligini aytdi. U yaxshiroq bilishi kerak. Agar u o‘ynamasa, biz boshqa yechimlar haqida o‘ylashimiz kerak, ammo hozircha men bu haqda o‘ylamayman, chunki u kelganiga ko‘p bo‘lmadi", dedi Florin Manea.
