Rossiya chempionatining 27-turi doirasida SSKA klubi o‘z maydonida "Rubin"ni qabul qilib, bahsning so‘nggi daqiqalarida g‘alabani qo‘ldan chiqardi.

Uchrashuvning 42-daqiqasida mehmonlar hisobni ochishgan bo‘lsa, taymga qo‘shib berilgan 1-daqiqada Abbos Fayzullayev qanotdan yetkazilgan to‘pni bosh bilan raqib darvozasiga joylab, muvozanatni tikladi.

O‘yin tugashiga 16 daqiqa qolganida Chalov gol urib, SSKAni oldinga olib chiqdi. Ammo qo‘shib berilgan daqiqalarda armiyachilar gol o‘tkazib yuborib, g‘alabani qo‘ldan chiqarishdi.

Mazkur durang tufayli SSKA 39 ochko bilan jadvalda 8-o‘rinni egallab turibdi. Abbos Fayzullayev kechagi bahsda to‘liq o‘ynadi.

Rossiya chempionati, 27-tur
SSKA – Rubin 2:2 (1:1, 1:1)
Gollar: 0:1 – 42 Rojkov, 1:1 – 45+1 Fayzullayev, 2:1 – 74 Chalov, 2:2 – 90+2 Daku.
SSKA – Akinfeev, Xelven (Glebov, 72), Diveev, Villian Rosha (Lukin, 72), Agapov, Gayich, Zdyelar, Oblyakov, Fayzullayev, Davila (Chalov, 56), Zabolotniy (Musayev, 67).
Rubin – Dyupin, Kabutov (Lomoviskiy, 88), Martinovich, Vuyachich, Grisayenko, Rojkov, Zotov (Ranjelovich, 77), Ivu, Ribus (Bezrukov, 65), Shabanxadjay (Ivanov, 89), Daku.
Ogohlantirishlar: Villian Rosha (57), Zotov (60), Ribus (65).