Tomas Myuller "Bavariya" safida Chempionlar ligasidagi 151-uchrashuvini o‘tkazdi.

"Real" Chempionlar ligasi yarim final javob o‘yinida Myunxen klubini mag‘lub etdi (2:1) va finalga yo‘l oldi.

Uchrashuvning 84-daqiqasida mehmonlar yarim himoyachisi Tomas Myuller Jamol Musiala o‘rniga maydonga tushdi. Shu tariqa, bu o‘yin Myuller uchun "Bavariya" tarkibidagi asosiy yevrokubok turniridagi 151-o‘yini bo‘ldi.

Bu tarixdagi beshinchi eng yuqori ko‘rsatkich bo‘lib, faqatgina Krishtianu Ronaldu (183), Iker Kasilyas (177), Lionel Messi (163) va Karim Benzemada (152) ko‘proq o‘yin bor.

Tarixda hech kim Chempionlar ligasida bir klub uchun Myullerdan ko‘proq o‘yin o‘tkazmagan. Xavi, shuningdek, "Barselona" safida Yevropaning yirik musobaqalarida 151 ta o‘yinda maydonga tushgan.