Fransiyaning "PSJ" klubi o‘zining yarim himoyachisi Xavi Simonsni "Barselona"ga ijaraga berishni istamayapti. Bu haqda "Sport" nashri xabar berdi.
Avvalroq, niderlandiyalik futbolchi faoliyatini "ko‘k-anorranglilar" safida davom ettirmoqchi ekanligi haqida xabarlar tarqalgan edi. "Barselona" yarim himoyachini ijaraga olishga tayyor, ammo "PSJ" Simonsni Kataloniya klubidan uzoqlashtirishga harakat qilmoqda.
Eslatib o‘tamiz, 21 yoshli Xavi “Barselona” tarbiyalanuvchisi hisoblanadi, biroq o‘z vaqtida u jamoani tark etib, “PSJ” akademiyasiga o‘tgandi. Joriy mavsumda yarim himoyachi Germaniyaning “RB Leypsig” klubida ijara asosida o‘ynamoqda, u Bundesligada 7 ta gol va 11 ta golli uzatmani amalga oshirdi.
