Франциянинг "ПСЖ" клуби ўзининг ярим ҳимоячиси Хави Симонсни "Барселона"га ижарага беришни истамаяпти. Бу ҳақда "Sport" нашри хабар берди.
Аввалроқ, нидерландиялик футболчи фаолиятини "кўк-анорранглилар" сафида давом эттирмоқчи эканлиги ҳақида хабарлар тарқалган эди. "Барселона" ярим ҳимоячини ижарага олишга тайёр, аммо "ПСЖ" Симонсни Каталония клубидан узоқлаштиришга ҳаракат қилмоқда.
Эслатиб ўтамиз, 21 ёшли Хави “Барселона” тарбияланувчиси ҳисобланади, бироқ ўз вақтида у жамоани тарк этиб, “ПСЖ” академиясига ўтганди. Жорий мавсумда ярим ҳимоячи Германиянинг “РБ Лейпциг” клубида ижара асосида ўйнамоқда, у Бундеслигада 7 та гол ва 11 та голли узатмани амалга оширди.
