"Bayer" o‘zining mag‘lubiyatsiz seriyasini ketma-ket 49 ta o‘yinga yetkazdi.
Xabi Alonso boshchiligidagi jamoa Yevropa ligasi yarim finalining javob uchrashuvida “Roma” bilan durang o‘ynadi (2:2, birinchi o‘yinda 2:0) va turnir finaliga yo‘l oldi.
Himoyachi Yosip Stanishich 97-daqiqada gol urib, “Bayer”ga durang keltirdi.
Shu tariqa, leverkuzenliklar barcha musobaqalarda mag‘lubiyatsiz o‘zining rekord seriyasini ketma-ket 49 ta o‘yinga yetkazdi.
Klub 1963 yil 22 dekabrdan 1965 yil 7 fevralgacha barcha rasmiy musobaqalarda ketma-ket 48 ta o‘yinda mag‘lubiyatga uchramagan "Benfika" rekordini yangiladi.
"Bayer"ning seriyasi yevrokubok musobaqalarida ishtirok etuvchi klublar uchun Yevropa futboli tarixidagi eng yaxshisidir.
