"Байер" ўзининг мағлубиятсиз сериясини кетма-кет 49 та ўйинга етказди.

Хаби Алонсо бошчилигидаги жамоа Европа лигаси ярим финалининг жавоб учрашувида “Рома” билан дуранг ўйнади (2:2, биринчи ўйинда 2:0) ва турнир финалига йўл олди.

Ҳимоячи Йосип Станишич 97-дақиқада гол уриб, “Байер”га дуранг келтирди.

Шу тариқа, леверкузенликлар барча мусобақаларда мағлубиятсиз ўзининг рекорд сериясини кетма-кет 49 та ўйинга етказди.

Клуб 1963 йил 22 декабрдан 1965 йил 7 февралгача барча расмий мусобақаларда кетма-кет 48 та ўйинда мағлубиятга учрамаган "Бенфика" рекордини янгилади.

"Байер"нинг серияси еврокубок мусобақаларида иштирок этувчи клублар учун Европа футболи тарихидаги энг яхшисидир.