“RB Leypsig” klubida ijara asosida o‘ynayotgan yarim himoyachi Xavi Simons “PSJ”ga qaytish niyatida emas.
21 yoshli futbolchi faoliyatini Parij klubida davom ettirishdan manfaatdor emas, deya xabar beradi jurnalist Fabris Xokins. Taxminlarga ko‘ra, "RB Leypsig" niderlandiyalik futbolchini Liga 1 gigantidan sotib olishga urinib ko‘radi va Angliya Premyer-ligasi vakillari ham hujumkor yarim himoyachiga da’vogarlik qilmoqda. Ilgari unga "Barselona" qiziqish bildirgandi.
Xavi Simons bu mavsumda “RB Leypsig” safida 42 ta o‘yinda maydonga tushib, 9 ta gol urdi va 15 ta golli uzatmani amalga oshirdi. Transfermarkt portali ma’lumotlariga ko‘ra, futbolchining narxi 80 million yevroga teng.
