“РБ Лейпциг” клубида ижара асосида ўйнаётган ярим ҳимоячи Хави Симонс “ПСЖ”га қайтиш ниятида эмас.
21 ёшли футболчи фаолиятини Париж клубида давом эттиришдан манфаатдор эмас, дея хабар беради журналист Фабрис Хокинс. Тахминларга кўра, "РБ Лейпциг" нидерландиялик футболчини Лига 1 гигантидан сотиб олишга уриниб кўради ва Англия Премьер-лигаси вакиллари ҳам ҳужумкор ярим ҳимоячига даъвогарлик қилмоқда. Илгари унга "Барселона" қизиқиш билдирганди.
Хави Симонс бу мавсумда “РБ Лейпциг” сафида 42 та ўйинда майдонга тушиб, 9 та гол урди ва 15 та голли узатмани амалга оширди. Transfermarkt портали маълумотларига кўра, футболчининг нархи 80 миллион еврога тенг.
