"Yuventus" joriy mavsum oxirida urilgan gollar soni bo‘yicha o‘zining antirekordini o‘rnatishi mumkin.
Joriy A Seriyaning 35-turidan so‘ng Massimiliano Allegri shogirdlari hisobida 48 ta gol bor - muddatidan avval chempion bo‘lgan "Inter"dan 33 ta kam.
La Gazzetta dello Sport qayd etganidek, bu "Yuventus" tarixidagi 35 turlik davrdagi eng yomon ko‘rsatkichdir.
Avvalgi antirekord 2009/10 yilgi mavsumda o‘rnatilgan - 52 gol. Keyingi turda "byankoneri"lar o‘zlarining yomon statistikasini yaxshilash imkoniyatiga ega bo‘lishadi: jamoa A seriyada so‘nggi o‘rindan erta tushib ketgan "Salernitana"ni qabul qiladi.