"Ювентус" жорий мавсум охирида урилган голлар сони бўйича ўзининг антирекордини ўрнатиши мумкин.
Жорий А Сериянинг 35-туридан сўнг Массимилиано Аллегри шогирдлари ҳисобида 48 та гол бор - муддатидан аввал чемпион бўлган "Интер"дан 33 та кам.
La Gazzetta dello Sport қайд этганидек, бу "Ювентус" тарихидаги 35 турлик даврдаги энг ёмон кўрсаткичдир.
Аввалги антирекорд 2009/10 йилги мавсумда ўрнатилган - 52 гол. Кейинги турда "бьянконери"лар ўзларининг ёмон статистикасини яхшилаш имкониятига эга бўлишади: жамоа А серияда сўнгги ўриндан эрта тушиб кетган "Салернитана"ни қабул қилади.
