"Real Madrid" o‘z tarkibini "Bayer"ning eng yaxshi futbolchilaridan biri bilan kuchaytirishi mumkin. Bu haqda Todofichajes jurnalistlari xabar bermoqda.

Manbaga ko‘ra, "qirollik klubi" qiziqishlari qatoriga qanot himoyachisi Jeremi Frimpong kiritilgan. Madridliklar Dani Karvaxalga raqobatchi sifatida niderlandiyalik futbolchining nomzodini ko‘rib chiqmoqda. Potensial kelishuv summasi 40 million yevroni tashkil qilishi mumkin, bu futbolchining shartnomasida tovon sifatida ko‘rsatilgan.

23 yoshli Frimpong joriy mavsum Bundesligada 30 ta o‘yinda maydonga tushdi. Himoyachi 9 ta gol urdi va 7 ta golli uzatmani amalga oshirdi.