"Реал Мадрид" ўз таркибини "Байер"нинг энг яхши футболчиларидан бири билан кучайтириши мумкин. Бу ҳақда Todofichajes журналистлари хабар бермоқда.
Манбага кўра, "қироллик клуби" қизиқишлари қаторига қанот ҳимоячиси Жереми Фримпонг киритилган. Мадридликлар Дани Карвахалга рақобатчи сифатида нидерландиялик футболчининг номзодини кўриб чиқмоқда. Потенциал келишув суммаси 40 миллион еврони ташкил қилиши мумкин, бу футболчининг шартномасида товон сифатида кўрсатилган.
23 ёшли Фримпонг жорий мавсум Бундеслигада 30 та ўйинда майдонга тушди. Ҳимоячи 9 та гол урди ва 7 та голли узатмани амалга оширди.
