Italiya A Seriyasining 36-turida “Milan” va “Kalyari” 11 may, shanba kuni o‘zaro bahs olib bordi.

Uchrashuv milanliklarning 5:1 hisobidagi g‘alabasi bilan yakunlandi. “Rossoneri” tarkibida Bennaser, Reynders va Leau bittadan gol urdi, Pulishich dubl qayd etdi. “Kalyari” safida Nandes gol muallifiga aylandi.

Eldor Shomurodov uchrashuvni asosiy tarkibda boshladi va 82-daqiqada o‘z o‘rnini Mutandvaga bo‘shatib berdi.

“Milan” ochkolarini 74 taga yetkazib, 2-o‘rinda bormoqda. “Kalyari” esa 33 ochko bilan 15-o‘ringa ko‘tarilib oldi.

A Seriya, 36-tur bahsi
11 may, shanba
“Milan” — “Kalyari” 5:1
Gollar: 1:0 – 35 Bennaser, 2:0 – 59 Pulishich, 2:1 – 63 Nandes, 3:1 – 74 Reynders, 4:1 – 83 Rafael Leau, 5:1 – 86 Pulishich.
“Milan”: Sportello, Kalulu, Gabbiya (Tomori, 46), Tiav, Florensi (Ernandes, 68), Bennaser (Pobega, 84), Pulishich, Reynders, Musa, Chukvueze (Rafael Leau, 46), Jiru (Okafor, 46).
“Kalyari”: Skuffet, Mina (Veteska, 88), Dossena (Assi, 76), Zappa, Obert, Deyola (Oristanio, 76), Prati, Sulemana, Nandes (Lapadula, 76), Luvumbu, Shomurodov (Mutandva, 82).
Ogohlantirishlar: Bennaser (28), Gabbiya (33), Mina (69).