“Manchester Siti” “Fulxem”ni 4:0 hisobida mag‘lub etdi, himoyachi Yoshko Gvardiol dubl qayd etdi.
O‘yindan so‘ng xorvatiyalik futbolchi o‘z fikrlarini bildirdi.
"Yana bir ajoyib o‘yin – nafaqat mendan, balki butun jamoadan. Bugun yaxshi tayyorlikni ko‘rsatdik.
Yetti o‘yinda beshta gol? Hech qanday maxsus narsa yo‘q. Menimcha, bu sportda normal holat. Hozir men yaxshi formadaman, lekin bizni oldinda uchta final kutib turibdi va biz tayyor bo‘lishimiz kerak.
Gollar farqi? Biz bor e’tiborimizni o‘z o‘yinlarimizga qaratishimiz kerak. Albatta, biz gol farqini muhokama qilmoqdamiz va ko‘rib turganingizdek, biz uni yaxshilashga harakat qilmoqdamiz.
Lekin bu oson emas, "Arsenal"da sifat bor va ular ham yaxshi ish qilishadi. "Tottenxem" bilan o‘yin? Bu yana bir final. Men u yerda faqat bir marta o‘ynadim va bu qiyin edi.
Umid qilamanki, bu biz uchun yana bir yaxshi kun bo‘ladi", - dedi Gvardiol TNT Sports'ga.
