Isko joriy mavsumda 19-marta o‘yinning eng yaxshi futbolchisi deb topildi.

Kecha "Betis" yarim himoyachisi La Liganing 35-turida "Almeriya"ni mag‘lub etib (3:2) o‘yinning eng yaxshi odami sovrinini qo‘lga kiritdi. Ispaniyalik futbolchi gol urdi va golli uzatmani amalga oshirdi.

Joriy mavsumda Isko La Liganing 28 uchrashuvida ishtirok etib, 19-marta ushbu sovrinni qo‘lga kiritdi. U "Barselona", "Atletiko Madrid", "Rayo Valekano", "Kadis", "Valensiya", "Osasuna", "Granada", shuningdek, "Jirona", "Real Sosyedad", "Atletik", "Vilyarreal" va "Malyorka"ga qarshi uy uchrashuvlarida eng yaxshi futbolchiga aylandi. Qolaversa, u mavsumning har ikkala o‘yinida ham "Xetafe", "Sevilya" va "Almeriya"ga qarshi o‘yinda sovrin bilan taqdirlangan.

E’tiborlisi, u mavsum davomida ikki marta ketma-ket 4ta uchrashuvda eng yaxshi futbolchi deb topildi. Bundan tashqari, 32 yoshli futbolchi La Ligada aprel oyining eng yaxshi futbolchisi unvoniga sazovor bo‘ldi.

Joriy mavsumda Isko 28 ta o‘yinda 8 ta gol urdi va 5 ta golli uzatmani amalga oshirdi.