Иско жорий мавсумда 19-марта ўйиннинг энг яхши футболчиси деб топилди.

Кеча "Бетис" ярим ҳимоячиси Ла Лиганинг 35-турида "Алмерия"ни мағлуб этиб (3:2) ўйиннинг энг яхши одами совринини қўлга киритди. Испаниялик футболчи гол урди ва голли узатмани амалга оширди.

Жорий мавсумда Иско Ла Лиганинг 28 учрашувида иштирок этиб, 19-марта ушбу совринни қўлга киритди. У "Барселона", "Атлетико Мадрид", "Райо Валекано", "Кадис", "Валенсия", "Осасуна", "Гранада", шунингдек, "Жирона", "Реал Сосьедад", "Атлетик", "Вильярреал" ва "Мальорка"га қарши уй учрашувларида энг яхши футболчига айланди. Қолаверса, у мавсумнинг ҳар иккала ўйинида ҳам "Хетафе", "Севилья" ва "Алмерия"га қарши ўйинда соврин билан тақдирланган.

Эътиборлиси, у мавсум давомида икки марта кетма-кет 4та учрашувда энг яхши футболчи деб топилди. Бундан ташқари, 32 ёшли футболчи Ла Лигада апрель ойининг энг яхши футболчиси унвонига сазовор бўлди.

Жорий мавсумда Иско 28 та ўйинда 8 та гол урди ва 5 та голли узатмани амалга оширди.