"Yuventus" bosh murabbiyi Massimiliano Allegri "Salernitana"ga (1:1) qarshi o‘yin natijalarini sarhisob qildi.
Turinliklar muddatidan avval elit diviziondan tushib ketgan A Seriyaning asosiy autsayderiga o‘z uyida yutqazib qo‘yishiga sal qoldi.
Faqat 91-daqiqada Adriyen Rabyoning goli mezbonlarni mag‘lubiyatdan qutqarib qoldi.
“Birinchi bo‘limni yaxshi o‘tkazmadik. Start yetarlicha yaxshi o‘tdi, ammo keyin biz xatoga yo‘l qo‘ya boshladik.
Tanaffusdan keyin sabr-toqat talab qilindi. Futbolchilar munosib javob berishdi. Bunday o‘yinda yutqazib bo‘lmaydi, aks holda boshqa hech qachon o‘zingizga kelmaslik xavfi bor.
Endi bizda Kubok finaliga tayyorgarlik ko‘rish uchun uch kun bor", - dedi Allegri DAZN nashriga bergan intervyusida.