Ispaniya La Ligasi rahbari Xavyer Tebas Kilian Mbappening transferi "Real"ga qanday ta’sir qilishi haqida o‘z fikrlari bilan o‘rtoqlashdi.
Fransiyalik forvard mavsum yakunida "PSJ"ni tark etishini ma’lum qilgandi. "Real Madrid" 25 yoshli superyulduzning o‘z safiga o‘tganini tez orada rasman tasdiqlashi kutilmoqda.
“Keyingi mavsumda Mbappe “Real”da o‘ynaydi. Kilian Vinisius va Bellingem kabi dunyodagi eng yaxshilaridan biri. "Real Madrid"da ajoyib jamoa bo‘ladi, ammo bu klub sovrinlarini kafolatlamaydi. La Ligada jiddiy raqobat bor. "Barselona"da Pedri, Gavi, Yamal, "Real"da esa Bellingem, Vinisius va Mbappe bo‘ladi", - deya Tebas so‘zlarini keltiradi Madrid Zone.
