"Arsenal" muxlislarining "Manchester Siti" futbolchilarini uxlatmaslik rejasi barbod bo‘ldi.
Bugun "shaharliklar" APLning 34-turidan o‘rin olgan boshqa uchrashuvda "Tottenxem" mehmoni bo‘ladi.
"Arsenal" muxlislari "Siti" futbolchilarining uxlab qolishlariga yo‘l qo‘ymaslik uchun soat 02:00 atrofida Marriott mehmonxonasi oldida pirotexnika vositalaridan foydlanishgan.
Biroq “kanonirlar” muxlislarining rejasi barbod bo‘ldi, deb yozadi Evening Standard. "Shaharliklar" futbolchilari dushanba kuni kechqurun Manchesterda qolgan va seshanba kuni ertalab Londonga yo‘l olgan.
"Manchester Siti" 85 ochko bilan APL turnir jadvalida ikkinchi o‘rinda bormoqda va "Arsenal"dan bir ochko ortda qolmoqda.
