"Atletiko Madrid"ning chernogoriyalik tajribali himoyachisi "matraschilar" lagerini tark etishi mumkin. Bu haqda Fabrisio Romano o‘zining ijtimoiy tarmog‘ida xabar bermoqda.
Insayderning so‘zlariga ko‘ra, Savich o‘z karyerasida yangi takliflarga ochiq. Unga hozirdan kamida uch mamlakat - Italiya, Turkiya va Saudiya Arabistoni jamoalari qiziqish bildirmoqda.
Bolqonlik futbolchi joriy mavsumda "matraschilar" safida barcha rasmiy turnirlarda 32 ta o‘yinda maydonga tushdi. Stefan klubda to‘qqiz yil - 2015 yildan buyon to‘p tepmoqda.
