Hammasi mavsum oxirida "Yuventus" bosh murabbiyini o‘zgartirishi tomon ketmoqda. Corriere della Sera xabariga ko‘ra, Turin klubi hozirda "Bolonya"da yaxshi o‘yin ko‘rsatayotgan Tiago Motta bilan prinsipial kelishuvga erishgan.
"Keksa sinyora" Motta bilan ikki mavsumga shartnoma imzolaydi va u yana bir yilga uzaytirilishi mumkin. 41 yoshli mutaxassis yiliga 3,5 million yevro maosh oladi.
Hozirda “Yuventus”ga Massimiliano Allegri bosh murabbiylik qilmoqda. Jamoa Italiya chempionati turnir jadvalida to‘rtinchi o‘rinni egallab turibdi.
