"Manchester Yunayted" ustozi Erik ten Xag "Nyukasl" ustidan qozonilgan g‘alabadan so‘ng muxlislarga murojaat qildi.
Uchrashuv 15 may kuni bo‘lib o‘tgan va 3:2 hisobida “qizil iblislar”ning g‘alabasi bilan yakunlangan.
“Futbolchilar, xodimlar va o‘z nomimdan barchangizga mavsum davomida ajoyib qo‘llab-quvvatlaganingiz uchun minnatdorchilik bildirmoqchiman. Mavsum biz uchun qiyin bo‘ldi, ammo sizning qo‘llab-quvvatlashingiz doimo biz bilan bo‘lgan.
Bu mavsum hali tugamadi. Avvaliga “Brayton”ni mag‘lub etish uchun hamma narsani qilamiz, keyin “Uembli”ga boramiz va “Manchester Siti” bilan o‘ynaymiz. Va sizga va’da beramanki, jamoa g‘alaba qozonish va kubokni "Old Trafford"ga olib kelish uchun hamma narsani qiladi", - dedi mutaxassis matbuot anjumanida.
