“Jirona” yozda o‘z tarkibini kuchaytirish ustida ish boshladi, deya xabar beradi jurnalist Fabrisio Romano.

Manbaga ko‘ra, Ispaniya jamoasi hujumchi Lusiano Rodriges transferi bo‘yicha Urugvayning "Liverpul"iga taklif bilan chiqqan. "Jirona" futbolchining 70% iqtisodiy huquqlari uchun uning uchun rekord darajadagi 15 million yevro to‘lashga tayyor. Agar transfer amalga oshsa, bu ispan klubi tarixidagi eng qimmat transferga aylanadi.

20 yoshli Lusiano Rodriges 2023 yil boshidan buyon “Liverpul” safida to‘p suradi. Shu yilning mart oyida u Urugvayning asosiy terma jamoasida debyut qildi. Joriy mavsumda urugvaylik futbolchi barcha turnirlarda 16 ta o‘yin o‘tkazib, 4 ta gol urdi.