“Жирона” ёзда ўз таркибини кучайтириш устида иш бошлади, дея хабар беради журналист Фабрицио Романо.

Манбага кўра, Испания жамоаси ҳужумчи Лусиано Родригес трансфери бўйича Уругвайнинг "Ливерпуль"ига таклиф билан чиққан. "Жирона" футболчининг 70% иқтисодий ҳуқуқлари учун унинг учун рекорд даражадаги 15 миллион евро тўлашга тайёр. Агар трансфер амалга ошса, бу испан клуби тарихидаги энг қиммат трансферга айланади.

20 ёшли Лусиано Родригес 2023 йил бошидан буён “Ливерпуль” сафида тўп суради. Шу йилнинг март ойида у Уругвайнинг асосий терма жамоасида дебют қилди. Жорий мавсумда уругвайлик футболчи барча турнирларда 16 та ўйин ўтказиб, 4 та гол урди.