Payshanba kuni "PSJ" futbolchilari Parij klubining xayriya jamg‘armasiga pul yig‘ish maqsadida tantanali kechada ishtirok etishdi.
Le Parisien nashri xabariga ko‘ra, mavsum oxirida "PSJ"ni tark etadigan hujumchi Kilian Mbappe kechaning eng qimmat buyumini sotib olib, Braziliya terma jamoasining sobiq futbolchisi Pelening rasmiga 520 ming yevro sarflagan.
Mbappe kim oshdi savdosida o‘zining yaxshi do‘sti Ashraf Hakimini auksionda mag‘lubiyatga uchratdi. Futbol afsonasining rasmi o‘tgan yili "PSJ" gala-konsertida sotuvga qo‘yilgan edi, biroq "PSJ" darvozaboni Serxio Riko bilan bog‘liq fojiali voqea tufayli tadbir bekor qilingan edi.
Portugal tilida "Qirol" degan ma’noni anglatuvchi "O REI" deb nomlangan rasm fransuz rassomi Aleksandr Xopare tomonidan yaratilgan. Lotning boshlang‘ich bahosi 5000 yevroni tashkil etgan bo‘lsa-da, yakunda san’at asari yuz barobar qimmatroqqa sotildi. Natijada oqshom davomida "PSJ" futbolchilari 2,7 million yevrodan ortiq mablag‘ yig‘ishdi.
