Londonning «Chelsi» klubi yozgi transfer oynasida tayanch yarim himoyasini kuchaytirmoqchi.

Grem Beyli xabariga ko‘ra, «ko‘klar» hozirda «PSJ» futbolchisi Manuel Ugarte holatini diqqat bilan kuzatmoqda. 23 yoshli urugvaylik futbolchi o‘tgan yili parijliklar safiga o‘tganidan buyon jamoa asosiy tarkibidan muqim o‘rin egallay olmayapti.

"Transfermarkt" Ugarteni 60 million yevroga baholamoqda. Uning parijliklar bilan shartnomasi 2028 yilda yakunlanadi. Manuel joriy mavsumda jami 36 ta o‘yinda 3 ta golli uzatma berdi.