Superliganing 8-turidan o‘rin olgan "Qizilqum"ga qarshi uchrashuvdan keyingi matbuot anjumanida "Olimpik" murabbiyi Sergey Chigodayev ishtirok etdi.
- Qiyin uchrashuv o‘tkazdik. G‘alaba bilan jamoamiz muxlislarini tabriklayman. Birinchi bo‘limda o‘yinimiz qovushmadi, ikkinchi bo‘limda ancha jonlandik. Aynan ikkinchi bo‘limdagi ishtiyoq bugungi g‘alabamizga sababchi bo‘ldi.
- Bosh murabbiy Timur Kapadze Fransiyadan qachon qaytadi? Navbatdagi o‘yinga jamoani kim tayyorlaydi?
- Timur Toxirovich ertaga qaytadi. Va albatta navbatdagi o‘yinga o‘zi tayyorlaydi.
- Bugun "Olimpik"ning 3-darvozaboni maydonga tushirildi. Asosiy darvozabonlarda jarohat bor edimi?
- Bizda ikkinchi yoki uchinchi degan maqom yo‘q. Har bir darvozabon jamoada bir xil statusga ega. Kim o‘yinga to‘liq tayyor bo‘lsa, o‘sha maydonga tushadi.
- G‘alabaga raqib futbolchisining qizil kartochka olgani ham sabab bo‘ldimi?
- Ikkinchi bo‘limda jamoamizdagi ishtiyoq kuchaydi. Birinchi bo‘limdagidan butunlay aks qiyofada o‘yin namoyish etdik. Albatta raqibning yetakchi futbolchilaridan biri qizil kartochka olishi bizning imkoniyatlarimizni yanada oshirdi" - dedi "Olimpik" jamoasi yordamchi murabbiyi.
