Суперлиганинг 8-туридан ўрин олган "Қизилқум"га қарши учрашувдан кейинги матбуот анжуманида "Олимпик" мураббийи Сергей Чигодаев иштирок этди.
- Қийин учрашув ўтказдик. Ғалаба билан жамоамиз мухлисларини табриклайман. Биринчи бўлимда ўйинимиз қовушмади, иккинчи бўлимда анча жонландик. Айнан иккинчи бўлимдаги иштиёқ бугунги ғалабамизга сабабчи бўлди.
- Бош мураббий Тимур Кападзе Франциядан қачон қайтади? Навбатдаги ўйинга жамоани ким тайёрлайди?
- Тимур Тохирович эртага қайтади. Ва албатта навбатдаги ўйинга ўзи тайёрлайди.
- Бугун "Олимпик"нинг 3-дарвозабони майдонга туширилди. Асосий дарвозабонларда жароҳат бор эдими?
- Бизда иккинчи ёки учинчи деган мақом йўқ. Ҳар бир дарвозабон жамоада бир хил статусга эга. Ким ўйинга тўлиқ тайёр бўлса, ўша майдонга тушади.
- Ғалабага рақиб футболчисининг қизил карточка олгани ҳам сабаб бўлдими?
- Иккинчи бўлимда жамоамиздаги иштиёқ кучайди. Биринчи бўлимдагидан бутунлай акс қиёфада ўйин намойиш этдик. Албатта рақибнинг етакчи футболчиларидан бири қизил карточка олиши бизнинг имкониятларимизни янада оширди" - деди "Олимпик" жамоаси ёрдамчи мураббийи.
