Ispaniya chempionatining so‘nggi, 37-turida “Barselona” “Rayo Valyekano” ustidan yirik g‘alabaga erishib, chempionatda birinchi bo‘lmasa-da, ikkinchi o‘rinni egallashini erta kafolatladi. Ikkita golni mavsumni yana jarohatlar bilan o‘tkazgan yarim himoyachi Pedri kiritdi. Klub bosh murabbiyi Xavi Ernandes o‘z o‘yinchisidan xursand, u muvaffaqiyat Pedriga avvalgi o‘ziga bo‘lgan ishonchini qaytarishga yordam beradi, deb hisoblaydi.
"Men xursandman, chunki bu gollar, albatta, unga o‘ziga ishonch hissini beradi va uni ortga qaytaradi. U ritmga kirishishi kerak, hozir biz uning o‘yin vaqtini cheklayapmiz, lekin men undan mamnunman", - deya Xavining so‘zlarini keltiradi "Barselona" klubi sayti.
Eslatib o‘tamiz, Madridning “Real” klubi joriy mavsumda Ispaniya chempioniga aylangandi. So‘nggi turda kataloniyaliklar "Sevilya" bilan o‘ynaydi.
