"Ayntraxt" markaziy himoyachisi Makoto Xasebe Germaniya Bundesligasining 2023/2024 yilgi mavsumidan so‘ng futbolchilik faoliyatini yakunladi, deya xabar beradi Frankfurt klubi matbuot xizmati.
Bundesliganing 34-turidan o‘rin olgan bahsda "Ayntraxt" o‘z maydonida "Leypsig"ni qabul qildi va bu yaponiyalik himoyachi uchun frankfurtliklar tarkibidagi oxirgi o‘yin bo‘ldi.
40 yoshli Xasebe 2014 yilning yozida Frankfurtning "Ayntraxt"iga ko‘chib o‘tgandi. Jamoada deyarli 10 yil davomida u frankfurtliklar safida 304 ta o‘yin o‘tkazishga muvaffaq bo‘ldi, bu o‘yinlarda u ikkita gol urdi va oltita golli uzatmani amalga oshirdi.
