"Luton Taun" Angliya Premyer-ligasida qolish uchun imkoniyatini hal qila olmadi. Biroq yarim himoyachi Ross Barkli APLda o‘ynashda davom etishi mumkin.
The Guardian nashri xabariga ko‘ra, "Aston Villa" Barklini sotib olishga yaqin turibdi. Birmingem klubi 30 yoshli futbolchini kamtarona pul evaziga o‘z safiga qo‘shib olishi kutilmoqda.
Ross Barkli 2020-2021 yillarda "Aston Villa"da ijara asosida o‘ynagan. Bu safar gap to‘liq transfer haqida ketmoqda.
2023/2024 yilgi mavsumda Barkli 37 ta o‘yin o‘tkazib, o‘yinlarda 5 ta gol urdi va jamoadoshlariga 6 ta golli uzatmani amalga oshirdi.
Transfermarkt portali futbolchini 8 million yevroga baholamoqda.
