"Barselona" prezidenti Joan Laporta hali ham mavsum yakunida klub bosh murabbiyi Xavini ishdan bo‘shatish niyatida, deb xabar bermoqda Marca.

Manbaga ko‘ra, Laporta murabbiyning jamoaga yetarlicha ishonmayotganidan norozi. “Barselona” prezidenti murabbiyning jamoaning iqtisodiy ahvoli haqidagi so‘zlaridan so‘ng, nihoyat Xavining klub talablariga javob bermayotganini anglab yetdi.
Funksionerning fikricha, Xavi kelasi mavsumda klubni boshqarmasligi kerak. Laporta klub boshqaruvida jamoaga to‘liq ishonadigan va unvonlar yutib, Yevropaning buyuklari bilan raqobatlasha oladigan murabbiyni ko‘rmoqchi.

O‘z navbatida Xavi keyingi mavsumda faoliyatini "Barselona"da davom ettirish istagida qat’iy.