"Барселона" президенти Жоан Лапорта ҳали ҳам мавсум якунида клуб бош мураббийи Хавини ишдан бўшатиш ниятида, деб хабар бермоқда Marca.
Манбага кўра, Лапорта мураббийнинг жамоага етарлича ишонмаётганидан норози. “Барселона” президенти мураббийнинг жамоанинг иқтисодий аҳволи ҳақидаги сўзларидан сўнг, ниҳоят Хавининг клуб талабларига жавоб бермаётганини англаб етди.
Функционернинг фикрича, Хави келаси мавсумда клубни бошқармаслиги керак. Лапорта клуб бошқарувида жамоага тўлиқ ишонадиган ва унвонлар ютиб, Европанинг буюклари билан рақобатлаша оладиган мураббийни кўрмоқчи.
Ўз навбатида Хави кейинги мавсумда фаолиятини "Барселона"да давом эттириш истагида қатъий.
