"Betis" yarim himoyachisi Isko jarohat olgan oyog‘ini operasiya qildirdi. Jarrohlik aralashuvi tufayli yarim himoyachi 2024 yilgi Yevropa chempionatida ishtirok etish imkoniyatidan mahrum bo‘ldi.
U 2024/2025 yilgi mavsum boshida safga qaytadi. Joriy Ispaniya chempionatida Isko 29 ta o‘yin o‘tkazgan. 32 yoshli yarim himoyachi sakkizta gol va beshta golli uzatmani amalga oshirdi.
La Liganing so‘nggi turi oldidan “Betis” 56 ochko bilan turnir jadvalida 7-o‘rinda bormoqda. So‘nggi o‘yinda sevilyaliklar safarda "Real" bilan uchrashadi.