"Бетис" ярим ҳимоячиси Иско жароҳат олган оёғини операция қилдирди. Жарроҳлик аралашуви туфайли ярим ҳимоячи 2024 йилги Европа чемпионатида иштирок этиш имкониятидан маҳрум бўлди.
У 2024/2025 йилги мавсум бошида сафга қайтади. Жорий Испания чемпионатида Иско 29 та ўйин ўтказган. 32 ёшли ярим ҳимоячи саккизта гол ва бешта голли узатмани амалга оширди.
Ла Лиганинг сўнгги тури олдидан “Бетис” 56 очко билан турнир жадвалида 7-ўринда бормоқда. Сўнгги ўйинда севиляликлар сафарда "Реал" билан учрашади.