Yaqinlashib kelayotgan Yevropa chempionati “Portu” va Portugaliya terma jamoasi himoyachisi Pepe faoliyatidagi 11-yirik turnir bo‘ladi.
Pepe professional faoliyati davomida beshta Yevropa chempionati, to‘rtta jahon chempionatida ishtirok etgan va Konfederasiyalar kubogida to‘p tepgan. Portugaliyalik himoyachi shu yilning fevral oyi oxirida 41 yoshga to‘ldi.
Joriy mavsumda Pepe barcha musobaqalarda 34 ta o‘yin o‘tkazib, 3 ta gol urdi va 2 ta golli uzatmani amalga oshirdi. Tajribali himoyachining “Portu” bilan amaldagi shartnomasi 2024 yilning iyun oyi oxirigacha amal qiladi.