Яқинлашиб келаётган Европа чемпионати “Порту” ва Португалия терма жамоаси ҳимоячиси Пепе фаолиятидаги 11-йирик турнир бўлади.
Пепе профессионал фаолияти давомида бешта Европа чемпионати, тўртта жаҳон чемпионатида иштирок этган ва Конфедерациялар кубогида тўп тепган. Португалиялик ҳимоячи шу йилнинг феврал ойи охирида 41 ёшга тўлди.
Жорий мавсумда Пепе барча мусобақаларда 34 та ўйин ўтказиб, 3 та гол урди ва 2 та голли узатмани амалга оширди. Тажрибали ҳимоячининг “Порту” билан амалдаги шартномаси 2024 йилнинг июн ойи охиригача амал қилади.
