"Lasio" sardori Chiro Immobile uning kelajagi klub bilan bog‘liq bo‘lishini ta’kidlab, Maurisio Sarrining ketishiga hech qanday aloqasi yo‘qligini aytdi.
"Lasio" bilan ikki yillik shartnomam bor va o‘zimni yaxshi his qilyapman. Mening oilam bu yerda baxtli va men ketishga hech qanday sabab ko‘rmayapman.
Ko‘rinib turibdiki, bunday mavsumdan so‘ng ko‘p savol belgilari paydo bo‘ladi, ayniqsa men tomonga biroz tanqidlar bor.
Men yetti yilni ajoyib darajada o‘tkazdim, bir yil esa pasayish va biroz qiyinchilikka duch keldim. Murabbiy o‘zgarishi ham yordam bermadi. Mavsumni yomon boshlaganingizda, ortga qaytish qiyin.
Biroq, bitta qiyin mavsum klubda erishgan yutuqlarimni bekor qilmaydi", – dedi Immobile.
