“Atalanta” hujumchisi Ademola Lukman Yevropa ligasi finalida “Bayer” ustidan qozonilgan g‘alaba (3:0) haqida fikr bildirdi. Hujumchi bahsda xet-trik qayd etdi.
“Hayotimdagi eng yaxshi oqshomlardan biri. Ajoyib jamoaviy o‘yin, biz buni uddaladik! Boshqa aytadigan ko‘p narsa yo‘q, lekin ha, bu ajoyib. Bizga uchinchi martada ilk bor omad kulib boqdi, deyishimiz mumkin, chunki bu bizning joriy mavsumdagi uchinchi finaldagi ilk g‘alabamiz. Men g‘alaba qozonganimizdan xursandman va bundan baxtiyorman. Biz bayram qilishimiz kerak, chunki biz bugun oqshom tarixni yaratdik”, - deya Lukman so‘zlarini keltiradi TNT Sports.
