Moskvaning SSKA klubi hujumchisi Viktor Davila jamoadoshi, o‘zbekistonlik yosh yarim himoyachi Abbosbek Fayzullayev haqida yaxshi fikrlar bildirib, uning afzalliklarini aytib o‘tdi.
“Ajoyib to‘p bilan muomala qilish, harakatchanlik. Uning hujumdagi ahamiyatini ta’kidlamasdan ilojim yo‘q. Qolaversa, u o‘z sheriklariga ajoyib paslar bera oladi”, - deydi Davila Match TV kanaliga.
Eslatib o‘tamiz, Fayzullayev SSKAga 2023 yil yozgi transfer oynasida kelgandi. U barcha turnirlarda "harbiylar" uchun 5 ta gol urdi va 13 ta golli uzatmani amalga oshirdi.