Москванинг ЦСКА клуби ҳужумчиси Виктор Давила жамоадоши, ўзбекистонлик ёш ярим ҳимоячи Аббосбек Файзуллаев ҳақида яхши фикрлар билдириб, унинг афзалликларини айтиб ўтди.
“Ажойиб тўп билан муомала қилиш, ҳаракатчанлик. Унинг ҳужумдаги аҳамиятини таъкидламасдан иложим йўқ. Қолаверса, у ўз шерикларига ажойиб паслар бера олади”, - дейди Давила Матч ТВ каналига.
Эслатиб ўтамиз, Файзуллаев ЦСКАга 2023 йил ёзги трансфер ойнасида келганди. У барча турнирларда "ҳарбийлар" учун 5 та гол урди ва 13 та голли узатмани амалга оширди.
