Kataloniyaning “Barselona” klubi yarim himoyachisi Frenki de Yongga “Bavariya” hamon qiziqish bildirmoqda. Jurnalist Florian Plettenberg ma’lumotlariga ko‘ra, "qizil mashina" niderlandiyalikni kuzatib borishda davom etmoqda.
"Bavariya" yozda "Barselona" bilan yangi shartnoma imzolashdan bosh tortayotgan yarim himoyachining transferini amalga oshirishga harakat qilishi mumkinligi haqida avvalroq xabar berilgan edi.
Rahbariyat Frenkidan ancha kam maosh oladigan shartnoma imzolashni talab qilmoqda. Biroq yarim himoyachi rahbariyatning shartlaridan qoniqmayapti.
Avvalroq Frenkini "Barselona" 90 million yevroga baholagandi.
