Каталониянинг “Барселона” клуби ярим ҳимоячиси Френки де Йонгга “Бавария” ҳамон қизиқиш билдирмоқда. Журналист Флориан Плеттенберг маълумотларига кўра, "қизил машина" нидерландияликни кузатиб боришда давом этмоқда.
"Бавария" ёзда "Барселона" билан янги шартнома имзолашдан бош тортаётган ярим ҳимоячининг трансферини амалга оширишга ҳаракат қилиши мумкинлиги ҳақида аввалроқ хабар берилган эди.
Раҳбарият Френкидан анча кам маош оладиган шартнома имзолашни талаб қилмоқда. Бироқ ярим ҳимоячи раҳбариятнинг шартларидан қониқмаяпти.
Аввалроқ Френкини "Барселона" 90 миллион еврога баҳолаганди.
