Amerika kubogi mukofot puli rekord darajadagi - 72 million dollarni tashkil qiladi.

Bu yil turnir AQSHda 20 iyundan 14 iyulga qadar bo‘lib o‘tadi.

Amerika kubogi g‘olibi 16 million dollar ishlab oladi.

16 jamoaning har biri musobaqada ishtirok etgani uchun 2 million ishlab topadi. ​​SHu tariqa, asosiy mukofot jamg‘armasi 40 millionni tashkil etadi - bu 2021 yilgi Amerika kubogidagi (19,5 million dollar)dan ikki baravar ko‘p. O‘shanda Argentina terma jamoasi turnir g‘olibi sifatida 6,5 millionni qo‘lga kiritgandi.

Joriy Amerika kubogida jamoalar chorak finalga chiqqani uchun 2 million, yakunda 4-o‘rinni egallagan jamoa 4 million, bronza medali sohibi 5 million, finalchi esa 7 million oladi.