"Jenoa" va Islandiya terma jamoasi hujumchisi Albert Gudmundsson yozda "Yuventus"ga o‘tishi mumkin.

Manbaga ko‘ra, islandiyalik futbolchi "keksa sinyora"ning yaqinlashib kelayotgan transfer oynasidagi asosiy maqsadlaridan biri hisoblanadi. "Yuventus" futbolchiga yiliga 2,5 million yevro maosh va bonuslar taklif qilishga tayyor. Shuningdek, “Jenoa” islandiyalik uchun 3-5 million yevro olmoqchi ekani ham xabar qilingan.

Gudmundsson "Jenoa"da 2021 yildan buyon o‘ynab kelmoqda. Joriy mavsumda futbolchi barcha turnirlarda 37 ta o‘yin o‘tkazib, 16 ta gol urdi va 2 ta golli uzatmani amalga oshirdi.